अशीही एक मैत्रीण असावी
जी दिसायला सुंदर असावी
जिला पाहताक्षणी कधीही
मनाची कळी खुलावी
अशीही एक मैत्रीण असावी
जी दिलखुलास हसावी
आणि जिच्या नजरेमध्ये
कसलीही अपेक्षा नसावी
अशीही एक मैत्रीण असावी
जी मनसोक्त बोलत बसावी
स्वभावाने साधी असली तरीही
भोळी ती नसावी
अशीही एक मैत्रीण असावी
जी खोटेनाटे रुसावी
विनवताना मात्र जिला
चांगलीच कसरत लागावी
अशीही एक मैत्रीण असावी
जी मनातले जाणत असावी
एवढे सर्व असेल अशी
मात्र ती कुठे गवसावी
अशीही एक मैत्रीण असावी
जिला पाहण्यास नजर तरसावी
पाहून जिला कोणासही वाटावे
आपलीही अशी मैत्रीण असावी
Subscribe to:
Post Comments (Atom)
No comments:
Post a Comment